ನಮ್ಮ ನೆರೆಹೊರೆಯವರು ಹಲವು ಚಟಗಳಿಗೆ, ದುರುಪಯೋಗ, ವಿವಾಹ ವಿಚ್ಛೇಧನ, ವೈಮನಸ್ಸು ಮುಂತಾದವುಗಳಿಂದ ಬಾಧಿತರಾಗಿರುತ್ತಾರೆ. ನಮ್ಮ ಬೀದಿಗಳಲ್ಲಿ ಜನರು ಪಾಪ ಮತ್ತು ವ್ಯಸನದಿಂದ ಕುಗ್ಗಿದ ಪರಿಸ್ಧಿತಿಯಲ್ಲಿರುತ್ತಾರೆ. ವಿಶ್ವಾಸಿಗಳಾದ ನಾವು ಈ ಪರಿಸ್ಧಿತಿ ವಿಮೋಚನೆಗೆ ದೂರವಾಗಿರುವದೆಂದು ಸುಳ್ಳು ವದಂತಿಯನ್ನು ನಂಬಿರುತ್ತೇವೆ. ನಾವು ಬಿಟ್ಟು ಕೊಟ್ಟವರೂ, ನಿರೀಕ್ಷೆಯನ್ನು ಕಳಕೊಂಡವರೂ, ಉದಾಸೀನರಾಗಿರುತ್ತೇವೆ. ಅನೇಕ ಸಾರಿ ನಮ್ಮ ಪ್ರಾರ್ಥನಾ ಜೀವಿತ ಮತ್ತು ನಮ್ಮ ಕುಟುಂಬದ ಅಗತ್ಯಗಳು, ಸ್ವ ಚಿಂತನೆಯಿಂದ ಕೂಡಿದವುಗಳಾಗಿರುತ್ತದೆ, ಆದರೆ ಅವರಿಗಾಗಿ ನಿಂತುಕೊಳ್ಳಲು ಸಾಧ್ಯವೊ?

“ನಾವು ಹೋರಾಡುವುದು ಮನುಷ್ಯ ಮಾತ್ರದವರ ಸಂಗಡವಲ್ಲ; ರಾಜತ್ವಗಳ ಮೇಲೆಯೂ ಅಧಿಕಾರಗಳ ಮೇಲೆಯೂ. ಈ ಅಂಧಕಾರದ ಲೋಕಾಧಿಪತಿಗಳ ಮೇಲೆಯೂ, ಆಕಾಶ ಮಂಡಲದ ದುರಾತ್ಮ ಸೇನೆಗಳ ಮೇಲೆಯೂ, ನಾವು ಹೋರಾಡುವವರಾಗಿದ್ದೇವೆ” – ಎಫೆಸ 6:12 ಹೋರಾಟ ಹಾಗೂ ಪಾಪ, ಕತ್ತಲೆ ಹಾಗೂ ವೈಷಮ್ಯಗಳನ್ನು ಪ್ರತಿದಿನವೂ ನೋಡುತ್ತಿದ್ದೇವೆ. ನಾವು ಗ್ರಹಿಸಲು ಸಾಧ್ಯವಾಗದ ಸಂಗತಿಗಳು, ನಾವು ನೋಡಲಾರದ ಸಂಗತಿಗಳು, ನಮ್ಮ ಸುತ್ತಲೂ ಜಾಲದಂತೆ ಹೆಣೆದುಕೊಂಡಿವೆ. ಪ್ರತಿ ದಿನವು ಜನರನ್ನು ಪ್ರೋತ್ಸಾಹಿಸುವ ಅಂಧಕಾರ ಶಕ್ತಿಗಳು ಕಣ್ಣಿಗೆ ಕಾಣದಂತವುಗಳಾಗಿದ್ದರೂ, ನಿಜವಾಗಿರುತ್ತವೆ. ಎಫೆಸ 2:2 “ವಾಯುಮಂಡಲದಲ್ಲಿ ಅಧಿಕಾರ ನಡಿಸುವ ಅಧಿಪತಿ, ಅಂದರೆ ನಂಬಲೊಲ್ಲದವರನ್ನು ಅವಿಧೇಯತೆಗೆ ಈಗ ಪ್ರೇರೇಪಿಸುವ ಆತ್ಮ” ಎಂದು ಸ್ವಷ್ಟವಾಗಿ ಓದುತ್ತೇವೆ. ವಾತಾವರಣವನ್ನು ಶುದ್ಧೀಗೊಳಿಸುವ ಅಧಿಕಾರವನ್ನು ದೇವರು ನಮಗೆ ಕೊಟ್ಟಿರುವುದರಿಂದ ಈ ಕಾರ್ಯ ನಮ್ಮ ಪಾಲಾಗಿದೆ.

ದೇವರ ಚಿತ್ತಾನುಸಾರವಾಗಿ ನಾವು ಪ್ರಾರ್ಥಿಸುವಾಗ ಯಾವಾಗಲೂ ಆತನಿಂದ ಉತ್ತರ ಪಡೆದುಕೊಳ್ಳುತ್ತೇವೆ. ನಿಮ್ಮ ಮನೆಗಳಲ್ಲಿಯೇ ಪ್ರತಿ ದಿನ ನಿರ್ಧಿಷ್ಟ ಸಮಯದಲ್ಲಿ ನಿಮ್ಮ ಬೀದಿಯಲ್ಲಿರುವವರಿಗಾಗಿ ಪ್ರಾರ್ಥಿಸಿ. ಪ್ರಾರ್ಥನೆಯು ಮನಸ್ಸಿನ ಪ್ರತಿಕ್ರಿಯೆ – ಎಂಬುದಾಗಿ ಶ್ರೀ. ಆಸ್ವಾಲ್ಡ್ ಚೆಂಬಂರ್ ಹೇಳಿದ್ದಾರೆ. ನಿಮ್ಮ ಪ್ರಾರ್ಥನೆ ದೇವರ ಬಲದಿಂದ ಕೈಗೂಡುವಾಗ, ಅದರ ಫಲವೇ “ರೂಪಾಂತರ”. 2 ಪೂರ್ವಕಾಲ 7:14 – “ನನ್ನವರೆಂದು ಹೆಸರುಗೊಂಡ ನನ್ನ ಪ್ರಜೆಗಳು ತಮ್ಮನ್ನು ತಗ್ಗಿಸಿಕೊಂಡು ತಮ್ಮ ಕೆಟ್ಟ ನಡತೆಯನ್ನು ಬಿಟ್ಟು ತಿರುಗಿಕೊಂಡು ನನ್ನನ್ನು ಪ್ರಾರ್ಥಿಸಿ ನನ್ನ ದರ್ಶನವನ್ನು ಬಯಸುವುದಾದರೆ ನಾನು ಪರಲೋಕದಿಂದ ಲಾಲಿಸಿ ಅವರ ಪಾಪಗಳನ್ನು ಕ್ಷಮಿಸಿ ಅವರ ದೇಶದಲ್ಲಿ ಆರೋಗ್ಯವನ್ನು ದಯಪಾಲಿಸುವೆನು.”